Pastorala basca d’Alienor d’Aquitania GSG

- Gerard Saint-Gaudens

Qu’avi mencionat dens un aut hiu l’aute jorn (« dialogue avec Otxoa ») la pastorala d’Ossès en Baixa Navarra sus la vita de la nosta famosa duquesa –reina deu segle XIIau.
Que i anèi l’aute dimenge (31 d’agost) e qu’esto ua esperiença de las beras : espectacle plan héit ,dab l’ajuda de tot un vilatge, etc… Mes tabé qu’estoi hòrt – e agradablament - estonat d’entener au beth mièi d’aqueth tecste (dab cantas) de tres oras, tot en basco soletin, la canta biarnesa de « dus pastors a l’ombreta » plan cantada en gascon durant las nòças d’Alienor dab l’Enric II Plantagenet … Anacrònisme, plan segur (la canta qu’es hòrt mèi recenta) mes qui non gasto pas lo plaser !
Un chic mès tard qu’audim tabé un poema deu trobador Bertran de Bòrn, arrevirat en gascon per l’entrada oficiau deu rèi e de la sua hemna a Londres ;
Que noti peu dusau còp que pastorals bascas hén plaça a la nòsta lenga ; non sèi pas si es aquò mès o menx tradicionau mes qu’es de notar dab simpatia.
Ua question sus las pastoralas ençò noste :au menx en Biarn e Bigòrra qu’en i avo.La Pastorala de Fondeville qu’es coneguda.
Que parlan sus internet d’ua « pastorale de Nay » (benlèu en francès,la lenga n’es pas indicada) jogada en 2009 e 2010.
Benlèu quauques gasconhautes e’ns en poderan diser mèi ?

Dans la même rubrique :


 

Sommaire Noms & Lòcs