Notre région, c’est la Gascogne !


Academia gascona Baiona-Ador

La renavida d’ua vielha dauna

vendredi 18 août 2017, par Gerard Saint-Gaudens

Creada en 1926 per 40 notables baionès l’Academia que’s vòu donar un navèth balanç preu sègle vint-e-unau.
Que s’es donat estatuts navèths, un navèth president (Guy Mondorge, ancian conselher despartementau e conselher municipau d’Anglet) e un nom navèth taben : en bèth aperà-s adara Academia Gascona de Baiona-Ador qu’a estenut lo son domeni d’interes e d’influencia a tot lo Baix-Ador, de Bocau Vielh a Peirehorada.
Atau que pòt organizar los sons capitòus trimestraus pas sonque a Baiona mes taben en tot lòc de la zòna qui sii com l’aute jorn a Dacs au Parc de las Arenas au permer jorn (gascon) de las Hestas annaus.
E los sons academicians (25 au jorn de uèi) que pòden viener d’aquestes naus parçans com lo Jan Luc Lagrave, lo gabidaire de la societat Adishatz, arcuelhut pendant aquera amassada deu capitòu a Dacs.
Que cau taben diser que lo son sieti sociau (4 carr deu Molin a Baiona - quartier Sent Esprit - qu’es estat renovat e pintrat de nau per la Mairetat quauques jorns avans las Hestas de Baiona. Qu’a podut lavetz apitar un estanquet au ras de l’ostau au permer jorn de las Hestas e que pòt conservar los sons archius de faiçon mes correcta.
Entà ajudar l’Academia preu son pretz-hèit cadun que s’en pòt har sòci (10 euròs per an).
Qu’esperem es la debuta d’ua vita navèra, mes activa qu’aus darrèrs 50 ans quan lo balanç iniciau deu Pèir Rectoran e deu Carlitò Oyarzun s’era un chic perdut mentre que Baiona s’era au menx en parèixer basquizada .


Voir en ligne : https://www.academiagascona.fr






Un gran de sau ?

modération a priori

Contributions et grans de sau sont soumis à validation des webmèstes.

Qui êtes-vous ?
Votre message
  • Pour créer des paragraphes, laissez simplement des lignes vides.

Ajouter un document