Grande Gascogne ou petit Sud-Ouest. Histoire, géographie, langue, chant, architecture...

Aumatge a Bernadeta
par Tederic M. le 24 août 2012

"Amb gran tristèr" qu’èi aprés la mort de Bernadeta Fournié, presidenta d’OcBi Aquitània, qui promav l’ensenhament public bilingue a paritat francés/occitan*.

Los aumatges que poderatz legir ací (
http://www.felco-creo.org/mdoc/detail_fr.php?categ=vieint&id=1160 ) que’vs amuisheràn qui èra.
Que partatgi los mots de Felip Martel :
"sa conoissença del sistèma, sa capacitat d’analisi, son engatjament e sa pugnacitat. E tanben sas qualitats umanas"
Qu’insistarei sus la soa pugnacitat...

Jo que l’avèvi rencontrada autorn de l’an 2000 a Vilanèva d’Òut a un talhèr d’occitan qu’organizava.

Dempui d’aquò, que la rencontréi quauques còps ; lo darrèr còp, qu’èra enqüera a Vilanèva : m’avèva hèit vénguer ende parlar de Gasconha.com sus "Radio 4".
Que’m brembi qu’èri arribat a mobileta e gahat peu hred...
Aprèps, que’m avèva invitat au restau, on mingèi un cassolet deus bons...

Que guardaram sus Gasconha.com la soa receta deu milhás de coja
Quan venga la sason de las cujas, qu’u poderam har, aqueth milhàs, en pensar ad era !
Bernadeta que parlava e escrivèva en lengadocian (en guianés).
Ne devè pas bien comprénguer lo men camin gascon (-ista).
Que’m brembi d’un escambi damb era :
que li parlavi de balhar aus medoquins ua conciéncia gascona... Era : "perqué gascona ? occitana !"

Aquò rai... ua hemna de qualitat, ua hemna d’accion, ua amorosa de "la lenga", dalhada en plea fòrca de l’atge ! Quin tristèr !

* occitan = (en principi) gascon en Gasconha







Un gran de sau ?

modération a priori

Ce forum est modéré a priori : votre contribution n'apparaîtra qu'après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.

Ajouter un document

Le drapeau de la Gascogne