Dens lo son editoriau deu n° 273 de la revista País Gascons, Gilabèrt Nariòo, aprèps ua longa e esmaventa evocacion de la convivialitat paisana que coneishot autorn de las annadas 40 dens l’espaci pirenenc gascon, qu’avança l’idea d’ua region Gasconha, e acaba atau :
« Perqué e serem in vitam eternam separats deus auts gascons d’Armanhac, Bigòrra, Comenge e Coseran ? Perqué baishar tostemps lo cap e deishar París decidir de çò qui èm ?
E serem tròp petits tà har ua region ? Lo noste territòri, enter Garona, montanha e còsta, aqueth triangle plan destermiat de mei de 40 000 km² b’ei dehèt mei gran que quauques Länder alemands com Saxonia, Turingia, Hessen...
Qu’avem pro de fòrças en Gasconha tà har respectar los nostes drets. Unim-nse gascons, parlem de la medisha votz e que seram escotats. »
Pensi que sentiram de tira, sus Gasconha.com, simpatia entaus arguments de G. Nariòo. Aquò n’empacha pas la critica...
Justament, la critica qu’a començat aquiu :
http://avoste.com/2014/12/12/aquitans-bascos-gascons/
Mès que la pòdetz tanben miar ací-devath, en hicar los vòstes grans de sau.
