Qu’èi començat, a la demanda d’un amic catalan benlèu hilh de la Gasconha : "VIATGE A GASCUÑA"

Benlèu que construiram amassa un guide toristic de la Gasconha gascona !

Vilas e vilòtas :

– Auch : capdulh deu "Département du Gers" (32) ; qu’i soi anat l’an passat, e qu’i aimèi lo còr vielh de la vila, sus un tuc (colina), damb arruas vielhas, petits restaurants, animat lo ser, escalèrs monumentaus cap a l’arriu...

– Nérac : sus l’arriu de Baïse, vielha vilòta, pont vielh, castèth d’Enric de Navarra, marcat animat lo dissabte matin...

– "bastides" (vilas creadas a l’atge mejan per la volontat deus reis) : que son hèra (molt) nombrosas... Labastide d’Armagnac, Montréal, Vianne...

– beròi (bell) vilatge au plan circulari e semblant ua bastida : Fourcés

– en anar en direccion de Bordèu : Sent Macari (Saint Macaire), vila de l’atge mejan

Cap a l’Ocean :

– los lacs... per exemple lo lac de Biscarrosse-Cazaux ; que s’i pòden trobar plajòtas tranquilas e beroginas on se banhar ; a costat : la "Dune du Pilat" (montanha de sable sus l’ocean)

– lo "Bassin d’Arcachon" (qui’s vuèita e plea cada jorn)

– l’Ocean (la mar / "le ma" en negue)

– En anar entau Sud : Hossegor (lo son lac, las soas maisons basco-landesas...),

Baiona (basco-gascona)

M’arresti aci... los lòcs ça-sus que descriven dejà un itinerari...

Contunhatz peus vòstes grans de sau, s’ac vòletz, en anar tanben au sud e a l’est de la Gasconha !