Revelhatz-vos, mainadas.
Estut compausat de cap a 1720 a Bordèu prau poèta Pèir Gobain, qu’èra - per l’anecdòta - de Blaia.
Blaia èra encara gascona d’aqueste temps, e la colonizacion n’èra pas encara pro avançada.
Avem aqui un imatge dau gascon blaiés.
Rebeillats-bous mainades,
Canten Nadau ale...grement,
Lou Hillet de Marie,
Nous beau da sauvemen
En Bethléem, noble Cieutat,
Lou bon Joseph s’en es anat,
L’Emperadou l’abé mandat,
Que menesse Marie,
Qu’ere grosse d’un bet Gouyat,
Mes en toute la Bille,
Nou a lougis troubat.
Rebeillats
En l’estable de Berdoulet,
Marie agut un bet Hillet,
Tant berouyet tant rousselet,
J’ai grand pau d’une cause,
Que si Joseph lou bon homet,
Non capere l’Estable,
Que mourira de fret.
Rebeillats
Anem bede acquet Enfant,
De nostres bribas l’y portran,
Mas be nous cau garda dau can,
Quan seran à l’Estable,
Force ribanes l’y daran,
Lou Hillet de Marie,
S’en sadourera plan.
Rebeillats
Lous Hillets y bolen ana,
Un flageoulet l’y bolen da,
Per lou enseigna à dansa,
Heds criderent bihore,
A qui es lou can que nous mourdra,
Qu’es au près de la porte,
Per nous garda d’intra.
Rebeillats
Mas be se sont abenturats,
De gros tricots se son armats,
Hets portent lous esclops herrats,
Hets hazen grand tempeste,
Quand passabem per lou peyrat,
Lou can qu’ere a la porte,
De pau s’en es anat.
Rebeillats
En l’Estable s’en son intrats,
Boune Marie comme estats,
Boste Marit es tout barbat,
Aci y a praube coudine,
Boste Hillet n’a pas dinat,
Prenets de nostres miques,
Que l’y aben pourtat.
Rebeillats
L’Ayne se boute à canta,
Et lou Beu se boute à dansa,
A gambada & à sauta,
A quo ere grand cause,
De regarda lou Beu dansa,
Encare d’escouta l’Ayne,
Que tant bere bots a
Rebeillats
Jou l’y dounay mon maribot,
Fallo l’y det son mandillot,
Peyrot l’y det son pa d’esclops,
Et Deliet sa pleine sange,
L’y det à l’heure Gaussemot,
Perrin l’y det sa flute,
Et Micheu son caignot.
Rebeillats
Tres nobles Reys l’an bisitat,
De bets escuts l’y an pourtat
Dedens un coffre plan barrat,
Lou Hillet de Marie
A espiat de tout coustat,
Mas a troubat un homme
Que l’a espoubentat.
Rebeillats
Adieu Marie & Joseph,
Nourrissets plan boste Hillet,
Gardats lou plan que n’age fret,
Gardats lou plan de l’Ayne,
Que ne l’y doune un cop de pé,
Mas be seré grand cause,
Si lou Beu le mourdé.
Rebeillats
Or pregan tous acquet Hillet,
Que n’es tant bet, tant roussellet,
Tant doux & tant gratioset,
Que pusquem ha grand heste,
Et canta Nau per l’amour det,
Pregan à pleine teste,
Aquet petit Hillet.
Rebeillats
