La metanizacion :
– En entrada : lichèr, lishèr, lishèrc = purinhems = fumier
Deu lishoèr au lishèr… un long viatge..!
purin, lisier : lichèr (pron. litchè), lishèr, lishèrc, ishèr, esquèr, eishquèr, lishquèr, (pishòra o pishòrra en Baish Ador), hems e dèishas agricòlas (o pas), mes tanben las CIVE (Culturas Intermediàrias a Vocacion Energetica : intermediàrias pr’amor que s’insereishen énter duas culturas "principaus", aquestas jutjadas "neuricèras", e doncas prioritàrias !)
– fermentacion de la matèria organica en abséncia d’oxigèn
– En sortida :
- biogàs ; après espuracion (esporgada), lo biometan obtienut que pòt estar injectat dens lo hialat de distribucion de gas naturau o utilizat com biogàs carburant.
- lo digestat, un excellent intrant (engrèish).
« Gràcias au digestat que ns’afranqueishem totaument deu fosfat e de la potassa e de 50 % deus besonhs azotat (lo prètz deus engrèishs que demora hèra volatile) »
Segon la directora generau de GRDF, entaus agricultors qui mian projèctes de metanizacion, la produccion de digestat utilizat directament que seré mei important que lo revengut de la venta deu biogàs...
Pes deu bio-metan dens lo gas consumit en França : [1]
– uei a pena 4 %
– objectiu oficiau : la PPE [2] que fixa objectius ambiciós de 50 TWh de biogàs en 2030, dont 44 de biometan injectat dens lo hialat de gas (...). Atau, 20 % deu gas consumit que seré renovelable.
« qu’ei tanben l’assegurança d’ahortir la soa sobeiranetat energetica deu gas (...) mentre que la nosta dependéncia au gas rus e american ei totau. »
Mès, ce disen Los Amics de la Tèrra (ecologistas) :
« Ne’s poirà pas jamei produsir pro de gas alternatius entà remplaçar los nivèus actuaus de consomacion de gas fossile. »
Los trabucs :
E be que n’i a, praube !
– La realizacion tecnica :
« un équipement qui a coûté plus de 3 millions d’euros et qui n’a quasiment pas fonctionné »
Sud-Ouest - Lévignac de Guyenne : après le fiasco, la renaissance d’un méthaniseur nommé Phoenix
– Vist l’investiment màger (ueit milions d’euros prevists a Poms !), que cau ua seguretat dens lo temps long sus l’aprovesiment en intrants, e la demanda en sortida (crompa de biogàs, qui depen deus grans hialats de distribucion deu gas ; digestat, utilizat peus agricultors).
Per exemple a Bordèras e Lamensan, i a un dobte sus l’experiéncia deu portaire de projècte IDEX, mès tanben sus l’aprovesiment en intrants gessits deu milhòc :
« l’usine Soléal-Bonduelle de Bordères-et-Lamensans ne serait plus en capacité de fournir 65 000 tonnes de produits issus du maïs susceptibles d’être transformés en énergie. En raison d’une baisse d’activité. Son directeur, Gauthier Mulliez, ne cache pas que la rentabilité du projet n’est plus assurée, à ce jour. »
Sud-Ouest - le projet de méthanisation est abandonné à Bordères-et-Lamensans
– la competitivitat : lo biogàs dus còps mei car que lo gas fossile importat...
mès
« l’estandardizacion deus sites de produccion de biometan e la massificacion progressiva de la produccion que deurén perméter de tornar aquera energia mei competitiva dens las annadas a viéner », e vòu créder Emmanuelle Wargon, presidenta de la Comission de regulacion de l’energia (CRE).
e
« la corba deus còsts de produccion que va començar de’s desviar », e confirma Laurence Poirier-Dietz, directora generau de GRDF. « Çò que poiré tornar aquera energia fin finau mei competitiva e vàder un concurrent seriós de l’electricitat sistematicament avançada com LA solucion de la descarbonacion energetica. »
E i a subvencions... [3]
– l’acceptabilitat peus vesins (com entaus camps fotovoltaïcs) : aulor = odeur
l’aulor : a Morencs (Mourenx), n’i a qui disen que n’i a ua... (que n’an parlat sus Ràdio País a prepaus deu projècte de Poms (Pomps))
« Odeurs, trafic de camions sur des routes étroites, et impact négatif sur le prix de vente des maisons ont été les principales craintes exprimées. »
Sud-Ouest - Béarn : à Pomps, le projet de méthaniseur du maire scinde le Conseil municipal en deux
– Poishiu estetic : lo paisatge... puisheu = obstacle
Totun, ne se’n parla pas tant qu’acò !?
– Lo gas que pòt tanben espaurugar :
« Qu’i a enqüèra quauques accidents, com en heurèr darrèr dens ua espleitacion agricòla en Borgonha. « los francés que coneishen l’utilizacion deu gas entau cauhatge e la cueita despuish tostemps e qu’i son estacats pr’amor que saben qu’ei ua energia segura, avança Laurence Poirier-Dietz, los metanizors que son estrictament controlats sustot per un pòst de contròle sistematicament situat au ras deu site ». »
Las objeccions deus Amics de la Tèrra (ecologistas) :
– la concurréncia dab l’agricultura neuricèra
« Dens 60% deus cas, la metanizacion que conduseish a ua modificacion de l’assolament, donc ua reorientacion de las produccions agricòlas en vista de neurir lo metanizor.
La metanizacion que hè pesar un risc inflacionista sus las tèrras agricòlas e las matèrias prumèras agricòlas. Los azards climatics de mei en mei frequents, qui tornan las produccions incertanas, qu’alimentan aquera inflacion sus las matèrias prumèras. L’utilizacion de culturas principaus entau metanizor qu’ei sovent hauta.
Transformar los agricultors en energeticians quan am mei que jamei besonh de cadeas d’aprovesiment alimentaris locaus e resilientas n’ei pas un aviéner envejable. »
– lo balanç ecologic vertadèr ; qu’ac cau bien calcular :
- balanç carbòni
- coma son produsits los intrants agricòlas deu biogàs (las CIVE) : energias fossilas ? engrèishs quimics ?
- « los eventuaus polluents (substàncias toxicas, agents microbians) presents a l’entrada deu metanizor que demoran dens lo digestat en sortida. Dangèr d’infiltracion dens las capas freaticas on potzam la nosta aiga bevedera. Aqueth risc qu’ei particularament important dens lo cas d’intrants compausats de dèishas o de residús divèrs. »
- « La metanizacion que confòrta lo neurissatge intensiu en creant ua cordèra navèra de valorizacion deus efluents de neurissatge. Qu’encoratja tanben a mantiéner los animaus tota l’annada en bastiment entà recuperar lo lisier entau metanizor. »
Conclusion deus ecologistas :
« la metanizacion vertuosa qu’ei per ara marginau. »
E en Navarra ?
Passar la montanha ne cambia pas tant qu’acò lo climat sociau : los vesins que son sovent contra !
« Por qué un gas renovable con alto potencial de desarrollo en España que se considera exponente de economía circular al generarse a partir de residuos orgánicos ha puesto en contra a buena parte del territorio destinado a producirlo en Navarra ? »
Diario de Navarra - ¿Por qué hay movilización por un gas verde ?
Diario de Navarra - La complicada hoja de ruta del biogás en Navarra a través de 11 grandes plantas
El sector avanza marcado por la contestación social y pendiente de la moratoria
Quauquas honts d’informacion d’aqueste article :
Eths que s’i son escasuts : Sud-Ouest - MethAlbret change le fumier (et pas que !) en gaz vert
https://methalbret.cometh47.fr/ (l’actualizacion deu sit que s’arrèsta avans lo lançament de la metanizacion)
https://www.amisdelaterre.org/publication/positionnement-des-amis-de-la-terre-sur-la-methanisation/
« Développer une filière méthanisation territoriale sur le Pays des Portes de Gascogne »
https://www.ladepeche.fr/article/2013/01/15/1535960-la-methanisation-futur-marche-des-agriculteurs.html
