Que gahèi l’escasença deu passatge de La Passem en mai 2026 entà muishar lo trencat de la Dauna, ua prepausicion de drapèu entau triangle gascon, on la Dauna de Brassempoi e representa l’umanitat. 
La Daune
Sus la mia bicicleta, qu’avèvi estacat lo format "pavillon de courtoisie" d’aqueth drapèu, concebut a l’origina entaus batèus !
Entà véser lo trencat coma cau, e sustot lo fotografiar, que calèva aténer la bona volontat de Mossur lo Vent !
E i a un aute problèma : si s’espia au renvèrs, lo triangle gascon n’a pas la bona orientacion !
Lavetz, que m’a calut prénguer la foto de l’aute costat :
En tornar a casa, sabèvi que i avèva suu camin un aute drapèu, lo de la Palestina : que l’avèvi remarcat lo còp d’avans.
Aqueste còp, que’m soi dit : « que cau que m’arrèsti entà parlar ad aqueth monde qui a lo coratge d’arborar aqueth simbèu, considerat "clivant" dens la França d’adara ».
Mossur lo vent que m’a totun hèit puishèu...
Ne vau pas raportar, per discrecion, l’escambi qu’èi avut damb la hemna deu qui a botat en plaça aqueths signes de solidaritat o de susmauta (eth qu’avèva profieitat d’un arrai de so entà anar passejà’s).
Que balhi sonqu’un indici de la mia pausicion dens lo portfolio ça-devath...
La hèmna ne m’a pas demandat arren suu trencat de la Dauna qu’avèvi totjorn sus la bicicleta.
Que l’èi dit : « moi aussi, j’ai un drapeau, mais c’est pour la Gascogne... c’est un autre sujet... »
